ఇది కన్నీరా ??..వదలని ప్రాణ నేస్తమా??

I did this sketch veryyy long back..almost nine years...but i love it..so much :D

 అసలు ఇది  పెట్టాలి అని చాలా సార్లు అనుకున్నా...కానీ ఎప్పుడు సందర్భం రాలేదు..

మొన్న జ్యోతి  గారు  రాసిన  కవిత  చదివాకా  నా ఫీలింగ్స్ లాగా అనిపించాయి...

తెగ నచ్చేసి   నా బ్లాగ్ లో ఆ కవిత కూడా పెడ్తున్నాను.. :D

ఇన్ని కన్నీళ్ళు ఎక్కడ నుండి  వస్తున్నాయి అనే గోదావరి డైలాగ్ గుర్తొస్తుంది...

కవిత ఎక్కడ పోతుందో అని అది కూడా ఇక్కడ పెడ్తున్నాను జ్యోతి గారి పర్మిషన్ తో.. :)..థాంక్స్ జ్యోతి గారు.. :)

 సంతోషంగా ఉన్నవేళ
నన్ను స్పృశించ సాహసించవు
సమూహంలో ఉండగా
నన్ను పలకరించ భయపడేవు.....

కాస్త దిగులుగా ఉన్నంతనే
నేనున్నానంటూ తడిమేస్తావు
ఒంటరిగా బెదిరి ఉన్న సమయాన
జడివానలా, జలపాతంలా కమ్మివేస్తావు....

నా మనసులో , భావనలలో
అలుముకుని, అల్లుకుపోయిన దుఃఖమా!
ఆనందంలో పలకరించేవు, ఆవేదనలో తోడుండేవు
ఎంత అణచిపెట్టినా, అడ్డు చెప్పినా కంటి కొనలో నిలిచేవు...

ఉప్పెనలా నన్ను చుట్టేసి
భావోద్వేగపు వెల్లువను శాంతపరిచేవు
తుఫానులో చిగురుటాకులా నన్ను వణికించే
దుఃఖమా? నాపై ఇంత ప్రేమ ఎందుకమ్మా???